GEZUAR...2008.
Me vitin e vjetër varrosim brengat e vjetra,
me Vitin e ri shpresojmë ditët më të mira, rrethuar me ata që i duam,
me dolli, hare...
Gëzuar Vitin e ri të gjithëve që i duam. Fati
dhe shëndeti i ndjekshin gjithandej ku janë e ku do të shkojnë. Çfarë
do të bënim pa dashuri?. Gjithçka përballohet më lehtë kur dashuron. Të
dashurojmë pra, o njerëz!
Gëzuar vitin e ri të gjithë miqve tanë,
gjithandej kah janë, anembanë botës. Pa miq do të ishim të vetmuar, të
pashprehur, të padëgjuar. Gëzuar gjithë atyre të cilët nuk i sprovojmë
në ahengje, por në vështërsi dhe telashe.
Gëzuar edhe atyre me të
cilët nuk pajtohemi gjithmonë. Në vitin që vjen, ndoshta do të jetë më
mirë. T'i shtrijmë dorën njëri-tjetrit, ta kërkojmë në vetvete atë që
na afron, jo atë që na ndanë. Në ditë të vështira, do duhej të ishim më
shumë. Kurrë nuk dihet kujt kush i nevojtet dhe në ç'kohë!
Gëzuar,
atyre që vuajnë, për çfarëdo qoftë, të pafatve, të pakënaqurve, të
braktisurve, të lënëve në mëshirën e fatit, të vetmuarve. Viti që vjen
u sjelltë shtigje diellore të gjithë atyre që këtë vit patën telashe.
Të gjithë shpirtërave të kësaj bote, t'u dhurojmë në mesnatë një pjesë
të gëzimit tonë, që edhe ne të
ndjehemi më të lumtur.
Gëzuar
Vitin e ri, gjyshërve e gjysheve, pleqve tanë, krenarisë dhe butësisë
sonë, për dashurinë që në hapat e parë nuk e kursyen për ne dhe që na
ndjek në jetë e kujtime.
Gëzuar, të rinjve, atyre që vijnë sikur 'turni i ardhshëm. Gëzuar, Fëmijëve! Pasurisë më madhe, shenjtërisë që ecën në tokë.
GËZUAR...

Bookmark: